O pasado mércores abrímoslle as portas do cole a unha visita sorpresa. Quen sería aquela rapaza que nos agardaba con aparellos moi curiosos, tintes e moitas novidades? Pois si!!! Unha científica, pero que tipo de científica? Unha veterinaria! E co fin de visibilizar a labor desta profesión, que vai máis alá do coidado das notas mascotas, dispuxémonos a atender e escoitar todo o que nos tiña que contar e ensinar Rebeca, unha das veterinarias de Miudiño Centro Veterinario, en Vigo.
Aprendemos tamén a realizar o experimento necesario para analizar mostras no microscopio, como mirar por el e ata como interpretalo, e non puido rematar mellor a visita, que empregando aparellos dun nome un tanto difícil como o fonendoscopio e o otoscopio. Que de termos tan científicos nos ensinou Rebeca, que rematamos a visita con moitas ganas de contalo a todo o mundo.
Moitas grazas Rebeca polas túas ganas, polo regaliño científico e por amosarnos cousas tan interesantes da túa profesión como veterinaria 😊