Benvida ao noso blog!

Bo día, compas!  

Aproveitando a situación estreamos blog :) Servirá para poder estar conectados nestes días, pero cando voltemos á aula seguiremos utilizándoo para que sexa unha ventá pola que poder ver todo o que facemos na aula. Seguro que pasades moi bos momentos visionando os contidos cos vosos fillos e fillas. 

En primeiro lugar, vou dar algunhas instrucións para estes días:

1. É moi complexo trasladar o que facemos na aula á casa. En primeiro lugar porque o traballo que realizamos diariamente comprende máis que unha actividade en concreto ou unha tarefa. Por isto, non quero que nos agobiemos pensando en que o neno ou nena ten que estar toda a mañá realizando tarefas escolares. O que vou facer é subir unha entrada no blog diariamente na que vos propoña algún experimento, xogos para xogar coas letras, cos números, contos, etc. 

2. Facede o que poidades: entendo que a situación de casa familia é diferente.

3. Estaremos en contacto por correo electrónico, teléfono ou pola aplicación Abalar. Por favor, estade atentos. 

4. Moita calma! Seguro que vai todo ben e pronto estaremos de volta na aula. Coidádevos moito!

Yaiza