LUNS

Bo día a todos e todas!

Que tal estades? Hoxe algúns nenos e nenas xa puideron volver a clase, e dentro de moi pouquiño estaremos xa todos aquí de novo. 

Por iso, ata que non esteamos todos xuntos na clase seguiremos colgando algunhas propostas para facer na casa cando poidamos ou non apeteza. 

Hoxe traio dúas propostas clásicas pero moi útiles e entretidas:

1. Recortar e pegar. Precisamos revistas vellas, papeis de cores, se non tedes podedes pintar papel branco das cores que queirades…, tesoiras, pegamento, e un papel cun debuxo ou trazo.

O pimeiro que hai que facer e elixir a base: podedes debuxar un trazo (ondas, líneas, montañas,un caminiño...), as letras do voso nome en maiúscula, ou un debuxo moi definido. Logo, recortamos papeis o máis parecido posible a un cadrado de 2x2cm aproximadamente, algo que vexamos que non é difícil para eles de manipular e coller cos dedos. Non poden ser moi pequenos porque dificulta moito o traballo (exemplo para adultos: imaxinade ter que pegar confeti, un a un, nun papel. Esgotador!).

Por último, co pegamento, pegar os cadradiños enriba do trazo marcado previamente. Algo así:

2. Cosemos: necesitamos cartón (prato de cartón ou un trozo de cartón dunha caixa de zapatos, cereais, galletas...), e la (ou un cordón de zapato). Facemos buracos no cartón cunha troqueladora, cunha agulla gorda ou cunha tesoira, e os nenos e nenas terán que pasar a la polos buracos. Se tedes unha agulla moi gorda e segura para que eles utilicen, xenial. Se non, coa man poden facelo se poñedes cinta adhesiva na punta da la ou cordar, será máis sinxelo para eles.

Se queredes podedes seguir enviando fotos do voso traballo na casa!

Moitas grazas polo voso esforzo e colaboración. 

Yaiza