Estimulación da linguaxe e English time!

MARTES

Hoxe as propostas veñen da man da profe Andrea, que trouxo a esta ventá virtual unhas actividades que seguro que vos encantan. 

A profe Andrea fai con todos nós un taller mensual de estimulación da linguaxe, ademais de traballar con algúns nenos e nenas que o precisan de xeito máis individualizado. 

Para este martes de outono envíanos un vídeo co que traballar a motricidade buco-facial, clicade aquí para ver o vídeo. Por certo, pode ser moi divertido que nos enviedes unha foto cunha praxia que vos guste. Animádevos!

Tamén hai unha proposta artística coa que espertar os músculos da boca. Tedes unha palla na casa? E pintura? E folios e cores? Pois...a soprar!! Debuxade unha cara e depositade gotiñas de pintura na parte superior. Logo, soprade para facerlle o pelo e quede así:

E xa por último, a profe Andrea recomendounos unha App moi divertida que se chama "CHATTERPIX KIDS". Empregando esta App e un debuxo, xoguete ou foto, podemos darlle vida a estes poñéndolles voz e facendo que movan a boca. Probade, que é moi divertida!

Para despedirme déixovos o vídeo que está colgado na web do cole do obradoiro de estimulación da linguaxe que fixemos con Andrea cando celebramos o Samaín. Podedes velo premendo aquí.

Momento no que mesturabamos ingredientes da poción coa bruxa Maruxa

ENGLISH TIME

Como hoxe é martes, teacher Esperanza tamén nos propón ver uns vídeos relacionados co alfabeto. 

• Let´s learn the alphabet: clic aquí para ver o vídeo.

• ABC song and many more nursery Rymes for children: vídeo.

Que teñades un bo día!

                                                Yaiza