EXPERIMENTO!

 VENRES

Bo día, familias! 

Xa é venres e queda menos para poder voltar á escola. Espero que esteades todos ben e que o tempo na casa sexa o máis tranquilo e entretido posible. E, por suposto, moitos parabéns polo voso esforzo durante estes días.

Para rematar a semana pensei nun experimento para facer en familia. Ides quedar alucinados e alucinadas ao descubrir que podedes facer mensaxes secretas!!

Material para o experimento

Precisamos:

- 1 limón

- 1 pincel

- 1 folio

- 1 vela

Pasos a seguir:

1. Exprimimos o limón.

2. Mollamos o pincel no limón e escribimos no folio a mensaxe secreta.

3. Deixamos que seque o líquido no papel.

4. Encendemos unha vela e poñemos o papel enriba, a 10 cm da vela, de xeito que lle chegue a calor ao papel pero que non se queme. Imos pasando o papel pola calor e veremos que a mensaxe comeza a poñerse de cor marrón.

5. Xa podemos ler a mensaxe!

Podedes facer o experimento e logo xogar con eles a adiviñar as palabras. Tamén podedes escribirlle unha mensaxe secreta a algún familiar ou amigo, seguro que os deixades sen palabras!

E para rematar... un pouquiño de música! 

Lembrades a canción do outono que poñemos ás veces na clase para bailar? 

Pois collede forzas e... a bailaaar!!! 

Premede AQUÍ!

Que teñades moi boa fin de semana e vaia todo ben!

Estamos en contacto para calquera nova que haxa con respecto aos resultados e o día de volta ás aulas.

Unha aperta!

Yaiza