Ola, familias!
Hai uns días que comezamos o curso e estamos moi contentos de reunirnos de novo, xogar e falar un montón, de contarnos moitas cousas do verán,... Neste curso 2022/2023 continuaremos na aula xuntos, co mesmo agrupamento que o curso anterior, e agardamos vivir moitas aventuras e investigar un montón. Contamos coa vosa axuda!
Primeira foto grupal do curso 22/23 |
Aproveito para informarvos do horario semanal, xa sabedes que os nenos e nenas teñen que vir á escola cómodos e con roupa que poidan manexar, permitíndolles ser autónomos e autónomas no seu día a día. Aínda así, lembrade que os días que teñen psicomotricidade deben vir con calzado axeitado e roupa que lles permita o movemento.
LUNS: Inglés e Biblioteca. Os luns iremos á biblioteca para realizar o empréstito semanal. Lembrade que levarán o libro o luns e deberán traelo ao luns seguinte como moi tarde. Este ano farán esta rutina semanal comigo.
MARTES: Psicomotricidade, co profe Arturo.
MÉRCORES: Biblioteca e Robótica (dúas horas consecutivas) coa profe Iria.
XOVES: Relixión/Valores. A mestra de relixión é Natalia, como o ano pasado. Valores será impartido por María José, a mestra de segundo de primaria.
VENRES: Psicomotricidade, co profe Arturo.
Lembrade que é moi importante que teñades activo o ABALAR MóBIL, xa que é a vía oficial de comunicación co centro.
Se tedes calquera dúbida, estamos aquí :)
Un saúdo e feliz curso!
Yaiza
No hay comentarios:
Publicar un comentario