Abride ben os ollos: hai letras!

XOVES

Hoxe tedes unha tarefa moooi, moi importante: investigar. E, como bos investigadores, hai que repartir tarefas. Uns van tomar nota e outros captar imaxes! 

Os nenos e nenas de 3: Collede cámara ou un teléfono con cámara incorporada e abride ben os ollos para atopar letras! 

(Nota para papis e mamis: se queredes xogar vós tamén escondede pola casa tarxetas con letras ou palabras curtiñas e en maiúscula, pero tamén números. Así, poderedes debatir se o que atopan son número e letras e participar nesta investigación).

Os nenos e nenas de 4: Collede libreta de investigación e lápis, poñede as gafas de investigar e anotade todas as palabras que atopedes pola casa. 

(Nota para papis e mamis: pegade papeis con palabras nas paredes, nos mobles, debaixo de sofá...Empregade maiúsculas e palabras curtas ou os seus nomes e o dos compañeiros e compañeiras).

Enviádeme as vosas conclusións e probas da investigación, igual ata atopamos a solución a un misterio sen resolver!

E por se vos apetece xogar máis...

Precisamos papel de cores ou cartolina, rotuladores, e escribir unha letra no círculo do centro cunha letra e tiras ao redor con palabras que conteñan esa letra. Logo, rodea a letra sinalada no centro nas palabras.

Se vos apetece podedes facer unha bandexa sensorial para practicar o trazo das letras (ou dos números).

Déixovos unha imaxe con instrucións para elaborala, a ver se vos gusta!

 

 

E para a hora do conto...

Que teñades un bo día!

Yaiza